كل شئ عن ال Rss .. ماهو ونبذة تاريخية وكيف يعمل بالاضافة الى برمجة سكربت ال Rss

:: السلام عليكم ::

وتحية طيبة لكل الموجودين

موضوعنا اليوم يتحدث عن ال RSS



موضوعي ينقسم لجزئين .. بكلمات آخرى قراء الموضوع ينقسمون الى
مجموعة 1 - مستخدمين الانترنت
مجموعة 2 - اصحاب المواقع ومطوريها

الجزء الاول راح يهم مستخدمين الانترنت اما الجزء الثاني فاريد تركيز اصحاب المواقع
ومطورين المواقع - المبرمجين بشكل عام

لابد وانت تتصفح مواقع الانترنت سمعت بهالكلمة وسألت نفسك شنو الار اس اس ؟


بعد ثورة الانترنت والثورة المعلوماتية صار من الصعب على المستخدم زيارة كل المواقع
حتى يطلع بملخص عن الشي الي يهتم بيه .. مثلا اذا انت تهتم بالرياضة من الصعب بل من المستحيل تزور كل المواقع وتطلع الاخبار الرياضية حتى تعرف اخر اخبار الرياضة او حتى من الصعب زيارة كل المواقع الي تهتم بالرياضة حتى تطلع اخبارها .. ونضراً لسهوله نشر المعلومات على الانترنت اصبح عدد هذه الاخبار ضخم جداً .. يعني اذا بالعراق 10 جرايد فهنالك آلاف المواقع العراقية الي توصللك الخبر ... هذا تمهيد بسيط حتى اعرفلك ال RSS وتفهمها بشكل دقيق.

بكل بساطة الار اس اس هي خدمة توصللك الخبر بالحقل اللي انت تهتملة بكل سرعة وبساطة , وهذا يقصرلك وقت البحث عن اخبارك الرياضية او السياسية او الفنية ... الخ
ويطلعلك النتائج الي انت تبحث عنها فقط والي تهتملها.
يعني مثلاً انت مهتم بالمقالات الي تنزل بالحقل الرياضي ب 20 موقع على سبيل المثال
انت مراح تكدر تجي يومية تشوف ال 20 موقع وتروح للحقل الرياضي وتمر بصفحات
انت متريد تطل عليها وتضيع وقتك بيها .. وراح تاخذ اغلب وقتك بالوصول للمقالات
بينما ال RSS راح يجيبلك اخر عشر مقالات ( على سبيل المثال ) النزلت بهال 20 موقع بالحقل الرياضي حتى انت بدل متشوف 20 موقع تشوف صفحة وحدة بيها كلشي عن هال 20 موقع

* ملاحظة استخدم 20 موقع كمثال وهذا ليس الحد الاعلى

مصطلح RSS جاي من Rich Site Summary
لتستعجل .. هذا للوهلة الاولى فقط ...!
ماريد اسوي الموضوع معقد عليك وهو بسيط جداً بس فعلا .. اختلفوا مطورين هالخدمة
بتسميتها .. والاشكال تعددت وال RSS واحد !!!
وهاي اختصارات كلمة RSS الخاصة بكل اصدار .. وطبعاً تنطي فكرة وانطباع بسيط عن كل اصدار


1 - RSS 0.90 : RDF Site Summary
RDF : Resource Description Framework
RSS 0.91 : Rich Site Summary -2
RSS 2.0 : Really Simple Syndication -3

النواة الفعلية لهذه الخدمة هي لغة XML

هسة صار عدك اطلاع ولمحة عن شنو هو ال RSS

هسة نفوت بالجزء المهم وهو كيف يعمل ال RSS ؟
موجودة برامج كثيرة لتفعيل خدمة مزامنة المواقع , او اضافات تعمل بمساعدة برامج اخرى
مثل newsgator الي يعمل بمساعدة Microsoft Outlook ويصير بمثابة اضافة ( Plug in ) الة.
كل العليك تنزل الاضافة وتخصص فولدر بالبريد الوارد لتغذية الار اس اس
لتحميل الاضافة هذا موقع ال newsgator
http://www.newsgator.com/
وايضاً الاضافت تشمل الانترنت اكسبلورر والفايرفوكس وتشوفون بالاصدارات الجديدة ايكونة ال RSS او مثل ميسموها البعض "ايقونة"

ومن خلال هالايكونة تكدر تشترك بهالخدمة .....


الجزء الثاني من موضوعي والي راح يناقش كيفيه عمل ملف خلاصة ال RSS وامكانية وضعها
بموقعك وتفعيل هالشي بالموقع الي انت تملكه

* قاعدة البيانات الي راح اشرح عليها هي MySQL وذلك لسهولتها ومرونتها والديناميكية الي تعطيها.

طبعاً ذكرتلك انه نواة ال RSS هي ال XML
والكل يعرف صعوبة وتعقيد هاللغة
ولكن حشرحها الكم على طريقة سهلة جداً وتكاد تكون من ابسط الطرق المعروفة

* بالمناسبة : الطريقة هاي مطروقة عالانترنت , يعني لا حصرية , ولا من برمجتي وابتكاري
اني مجرد راح اشرحها واحاول ابسطها الكم قدر الامكان.

بالبداية...
نحتاج تعديل ملف الهتكس مثل ميسموه البعض واللي هو htaccess.
باضافة سطر واحد


كود:
AddType application/x-httpd-php .xmlوبهالسطر سوينة كل ملف XML يعمل ك PHP Script

* توضيح : هذه الطريقة متقتصر على تعامل PHP with XML بل يمكن استخدامها حتى عند تحويل ملفات ال PHP الى HTML .


ومن ثم نحتاج الى انشاء ملف XML اعتيادي ونكتب اول سطر بيه


كود:
<? header('content-type: text/xml'); ?>
طبعا الكل يسال ليش استخدمنا تاكَـس او وسوم البي اج بي , والسبب انه بالبداية خلينا كل ملف XML يقرة كملف PHP فلازم نسوي هالعملية حتى يعمل السكربت بنجاح .
وهالشغلات البسيطة ممكن تعطل كل السكربت

* علمت الوسوم باللون الاخضر للي ميعرف شقصدت بالوسوم
?>
your script here
<?

اما الكود الاتي جداً مهم وضعه


كود:
<rss version="2.0">
<channel>
<title>Fnrtop</title>
<description>...</description>
<link>http://www.fnrtop.com/</link>السطر الاول سوينة بيه Define او تعريف لخدمة RSS
السطر الثاني افتتحنا بيه عمل Channel
السطر الثالث تايتل الموقع
السطر الرابع دسكربشن بسيط او وصف للموقع
والخامس لنك الموقع

اما الكود الاتي فهو للاتصال بقاعدة البيانات وبالعادة هالكم سطر يكونون جدأً حساسين
لان اي غلط يفشل الاتصال بقاعدة البيانات .. ويمكن استدعائهم بدوال مثل
include
require
اذا كنت تستخدم ملف خارجي للاتصال بالداتابيس مثل Config.php الشائع بالعديد من السكربتات


كود:
<?
$dbhost = 'localhost';
$dbuname = 'fnrtop';
$dbpw = '';
$dbname = 'rss_trojan';

$conn = @mysql_connect($dbhost ,$dbuname ,$dbpw ) or die('error');
mysql_select_db($dbname ,$conn) or die('error');بعدها نقوم بمناداة الحقول والجداول الي راح نستخرج منها الاخبار بالسكربت هذا


كود:
$query=mysql_query("SELECT `id`, `title`, `content` FROM rss ORDER BY `id` DESC LIMIT 0,5");
while($result = mysql_fetch_array($query)){
?>
اذا يجي واحد يسال زين احنة استدعينا بس شلون صار الاتصال احب اذكرك باهمية مناداه ملف ال Config قبل هالاسطر حتى يصير اتصال ثم تتم عملية مناداة الداتا

الجدول الي يتم زرعة SQL
هو كالاتي


كود:
CREATE TABLE `rss` (
`id` int(11) NOT NULL auto_increment,
`title` text collate utf8_unicode_ci NOT NULL,
`*******` text collate utf8_unicode_ci NOT NULL,
PRIMARY KEY (`id`)
) ENGINE=MyISAM DEFAULT AUTO_INCREMENTخلي نسولف عن الاستعلامين الاخيرين الصاروا
الصار هو تم انشاء 3 حقول ال ID و العنوان والمحتوى
بحيث ان استخراج الداتا ومناداتها راح يكون فقط لاخر 5 مواضيع ويتم ترتيبها
Descending
اي الاحدث اول ثم الاقدم
وهذا صار بكود ال
PHP
اذا تصعد تشوف

ORDER BY `id` DESC LIMIT 0,5

وهذا الي هسة شرحته

ومن ثم خليت حلقة تكرار
while
بعد عرض النتائج بمصفوفة عن طريق دالة
MYSQL_FETCH_ARRAY

هسة نخلي هالكود


كود:
<item>
<title><?=htmlentities(strip_tags($result['title'])); ?></title>
<description> <?=htmlentities(substr($result['content'],0,60));?></description>
<link>http://www.fnrtop.com/?topic=<?=$result['id'];?></link>
</item>
<? } ?>كل المحتوى راح يكون بيه وسمي


كود:
<item>
</item>وهذا الي يمثل ادراج موضوع واحد وبداخلة وسم التايتل والدسكربشن الي هو الوصف الي راح يظهر بهالحالة كجزء من المحتوى لانني استخدمت دالة
SUBSTR
وحددتها ب 60 حرف وثم رابط الموضوع الكامل باللنك والي راح يقود الزائر للخبر الكامل ثم راح تنغلق حلقة التكرار الاولى وبعد غلقها راح ينعاد اللوب هذا خمس مرات حتى يعطي اخر خمس مدخلات

اما استخدام دالة سبستر
SUBSTR
فلتدوخون بيه اجيبلكم مثال لان حاس بيكم دايخين من وراه
شايفين بالمواقع .. لنروح بعيد موقع زيدركس
www.zaidrix.com
المقالات التنزل بيها دسكربشن و وراها نقاط
....
ويكولك رابط المقال الكامل هنا
هو هذا هيج حتى من يخلي الاخبار ميطلع كل المحتوى جوة العنوان
مجرد نبذة بسيطة و اذا تحب تكمل الخبر دوس الرابط

وبنهاية الكود نغلق الوسوم الي فتحناها بالبداية


كود:
</channel>
</rss>وعاشوا عيشة سعيدة .. هذا كل ما يخص ال
RSS
اتمنى شلت المخفي عن عيونكم بخصوص هالخدمة
لان قليل بالمنتديات العراقية متطرقين لهالشي بل تكاد تكون المنتديات العراقية منعدمة
من مواضيع تسلط الضوء على هالخدمة الي ساهمت بالثورة المعلوماتية بشكل ملحوظ

ملاحظة : مثل مكتلكم اي ملف اكس ام ال راح يقرة بي اج بي بعد كتابة السطر الي كتلكم عليه بال
.htaccess
فاي ملف اكس ام ال ثاني راح يتاثر ولازم تنطيه وسوم البي اج بي حتى يترجمة السيرفر ويفهمة

حاضر لاي استفسار

والي ينقل ياريت يكتب اسم فنرتوب واسم تروجان بيه مراح ياثر منة شي يعني
لان تعبت بكتابة الموضوع وبشرح الكود
كتابة الكود للمبرمج امين - واني شرحتة الكم وسلطت الضوء على سطر سطر بيه حتى تفهموه وبهالموضوع اتطرقنا للغة البي اج بي والماي اسكيول
يعني صار عدكم علم مبداي بكيفية عملهم

تحياتي
ReeeZo